花開毋對時

花開毋對時   

舊衫一領過了期
崎嶇世路佗位去

飛來飛去汝撿起
穿佇身軀不再拆分離

求天求地予阮照顧汝
寫出人生ㄟ傳奇

阮ㄟ深愛像茶米
捲甲密密勿會透氣

汝ㄟ真情若滾水
沖出阮ㄟ人生好滋味

一葉一葉勻勻漸漸開
清芳透入咱心脾

明明一叢桃花枝
怎樣蒼天放勿會記

害阮開花毋對時
結果煞來墬落黑暗池

宛然春蠶秋天吐無絲
肝腸寸斷號駕死

【注】

佗位：那兒、那裡。佗﹝ㄉㄜ2﹞   
佇：在。   
予：﹝ㄏㄨㄛ7﹞給、讓。   
勿會：不會。   
毋對時：不對時節或季候。   
駕：到、得。